Jasper & Jayden 的閱讀樂

昨晚媽媽打來話唔煮飯, 見happyfriday, 即使打比oscar 睇下有咩好做

本來諗過睇戲, 又驚咁遲買飛無靚位坐

跟住oscar 話出紅磡食, 我話要食日本野, 但oscar 話唔食加太賀喎

(好耐無去過加太賀食, 唔知質數有無下跌, 曾經有段時間, 個個月都會去食下, 食到有d 悶)

放工, 等埋oscar 同sam 一齊去紅磡, 先上sam 家, 因為實惠送傢私, 又要等icable 裝電視和上網

上到去, 剛好睇到同事三分親, 好耐無睇過啦~~~

到睇完, 8點半, icable 先話仲要成個鐘先到

即使落樓下搵野食

見到有間日本料理 -- 炭黑 新開張, 有9 折, 諗住試下

一入到去, 無乜人, 咁冷清既~~~

裝修都ok

睇menu, 都幾貴架喎, 係紅磡咁多日本料理既地方, 咁既價錢, 貴左d 囉

好似一件, 係一件三文魚要12蚊, 我去峰壽司有一碟啦

一件海膽都要28蚊, 多幾蚊, 人地有2件啦, 結果我地完全無叫壽司..... (如果d 壽司真係好正,呢個價唔係唔ok, 但, 係呢個地方, 唔襯囉~~~)

串燒都頗多款, 部份只有一串, 但價錢, 平價的, 好似d 汁燒雞肉要都3x蚊串, 味道ok, 羊鞍好似around 40, 得一件, 和牛見到60蚊, 得一串, 唔知有無4粒呢.... 不過又係無叫, 我心諗, 早知去返加太賀啦

仲有, 你叫串燒, 如果唔出聲, 佢會自己比碟沙律你, 但要收錢的, 唔想食的話, 記叫佢叫拎返走

跟住仲叫左燒三文魚頭同芝士牛肉炒飯

先講個芝士牛肉炒飯, 見佢個名幾特別, 叫來試下, 但, 無乜特別, 又細喎, 大約只有一個飯碗的份量...... 芝士, 分的時候都見到d 芝士絲, 但食落, 又唔覺有芝士味, 同普通牛肉炒飯差不多

三文魚頭一般啦

叫左呢幾樣野, 埋單都要290, 己9折左喎, 仲要係唔飽肚的, 下次, 應該都唔會再試

搞到oscar 和sam 食完仲要係隔離間 泰亞箂 叫左2隻燒大蝦, 跟住係斜對面再買蠔仔粥同老水鵝先夠飽

泰亞箂 的串燒好香, 經過都聞到

同場加映, 係炭黑食緊野時, 一開始見到斜對面有張6人枱, 有個爸爸帶著個約3歲既仔食晚飯, 個小朋友肥肥的, 塊面圓圓的, 個dad 一得閒就比喂個仔, 仲以為2個自己食, 無幾耐, 個媽媽到啦, 原來2父子在等媽媽

個仔見到媽媽到左, 不知幾興奮, 係咪同佢講野 (又一次證明左,小朋友都係親媽媽多d 既) 個小朋友都幾食得, 阿爸係咁喂佢, 佢自己又拎住支玉米串燒係咪食, 食完又用筷子夾野食 (為什麼要注明用筷子呢, 因為個小朋友食野時, 不停同佢dadmama 講, 我識用筷子, 我識用筷子, 好搞笑)

到尾段, 個仔用手拎個碗d 野食, 仲要仲隻小手指係咪食, 食完, 用佢隻油油的手摸落佢dad 件白色裇衫到, 呢下都幾搞笑, 即住佢dad 即使捉住佢隻手, 可憐件裇衫應該己弄污了

到食晒野, 有甜品, 個經理問個小朋友食唔食, 跟住個小朋友問, 咩色架 (咩色同好唔好食有咩關係....?) 跟住個經理話紫色, 咁佢就要....

呢家人比我地早少少走, 埋單時, 好似聽到要6百幾 (只有2個大人加個豆丁) 跟住個媽媽話, 咁貴既, 跟住個小朋友又係到話, 咁貴既~~~ 勁可愛