Jasper & Jayden 的閱讀樂

睇完巡遊, 再睇企鵝館

企鵝館入口....

又要排....

入到園內, check 一下時間表, 11點便有企鵝巡遊

園內人山人海, 好不容易找了一個比較少人的地方等

睇下d積雪幾厚......

一早把check out, 並把行李寄存於酒店, 便到買物公園附近看看有什麼可以做早餐
日式的餐廳都未開門, 看見有mos burger, 一定要試下日本原裝的mos burger....

餐牌, 價錢跟香港差不多吧

坐個多鐘就到旭川, 一離開車箱就好凍, 一出車站, 好多雪人及冰雕, 我覺得仲靚過札幌, 打晒燈, 又無人, 勁正, 不過10點就關燈

一出火車站, 好多雪人歡迎我們....當然要影返張相 (睇到牌子介紹, 係呢到d 小朋友整架, 所以隻隻都有d 唔同, 整個買物公園都有, 仲有名寫住係邊個小朋友整添)

因為旭山動物園太出名, 冰雕都要整返d 企鵝

然後, 我地走去雪印本店食甜品, 勁多人, 排左成半個鐘先有得食, 好多士多啤梨, 但如果雪糕多D仲好

雪印內, 好多人排隊的

有好多士多啤梨的

行到差不多2點, 行去火車站那邊去拉麵共和國食拉麵, 途中經過北海道舊廳, 影下相, 真係幾靚的.

有個大雪人比人影相, 仲有專人幫你影相, free 的, 比你部相機佢便可, 真細心

食左小小東西, 又由1丁目開始行, 大部份小雪像又污糟, 又變形, 好可惜呢, 不過大形的就好靚, 因為每日有專人去返靚個樣的, 但太多人, 好難影相

你睇, 大形的, 每日有人執架.... 但細既就無咁好待遇了....

呢套係戲來的.... 只睇到日文, 唔識

今天既重點節目就係睇雪祭

本來我想早幾天去雪祭的, 但個行程排來排去都早唔到, 無法子

一早起身, 先CHECK OUT, 把今晚要拿去旭川同網走的行程寄存, 然後把之後用的寄存係下一間札幌酒店, 幸好2間酒店好近, 揀酒店, 近車站真係好重要.....

輕裝上陣, 諗住行去大通公園途中看見有野就食, 點知乜鬼都未開, 行行下都到大通公園了, 未到10點, 已有好多人到左, 我地由4丁目行去札幌電視塔那邊, 可惜除了大型雪像, 好多都有點溶, 好可惜, D DETAIL 位幾乎無晒

小雪梯, 只限小朋友玩

在元町一帶影完相, 行去倉庫群那邊, 影下相, 睇下d 小店

倉庫外的古老郵箱

來到金赤森倉庫了

行完五稜郭公園, 再搭巿電去十字街站, 去影元町一帶的靚靚建築

p.s. 巿電是有1day pass 的, 500yen, 只要搭3程巿電便回本 (最平一程200yen)

因為都在山上, 又全是冰和雪, 一定要小心行, 不然...應該會由上滑落去, 連車都不能行的, 但當上到去, 真係好靚架, 好值得去

地上的水渠蓋都靚過人 (在香港, 應該好快比人偷晒.....)

跟住仲有燒帶子, 燒大蜆, 甜, 又有海鮮味

就係呢間小小的店子門外有燒帶子和大蜆啦

先揀隻大大的

食完隻帶子, 其實己大分飽, 但oscar 仲想去釣魷魚.......食埋呢個, 真係飽到無法再食野

就係呢到, 可以自己釣魷魚了

睇下, 其實係勁多魷魚的....隨隨便便都可以釣到

今日一早去買雪靴, 毛毛底, 又有個金屬裝置可以防止滑到, 1950, 價錢都ok, 係樣子比樣笨拙, 無法啦, 最緊要安全嘛......

就係呢間鞋店買雪靴了, 1995 yen 一對

買完鞋, 回酒店check out 及寄存行李, 就係去酒店對面的函館朝巿, 先食即開海膽, 好味呀, 甜到不得了, 未食過咁好食既海膽

連殼海膽, 香港好少機會食到架

跟住當然要試下即開燒海膽, 外脆內軟, 海膽真係勁好食

先揀一隻海膽, 我地當然要揀隻肥肥的啦

先放在爐上, 加點汁

影完夕陽下的函館山, 很凍很凍, 去精品店行下, 暖下, 待天黑, 亮晒燈才出去影過 (又睇野, 又買野, 食雪糕, 寄post卡.... 真係好忙)

5點多, 開始天黑了, 自然要影下相 (影唔到有一點陽光, 但又亮了燈的相, 有點可惜呢)

今天己由關西飛到北海道了, 真係好凍....

一早起身, 執好d行李就check out, 然後行去jr 站

p.s. 我們在關西機場去酒店時, 是搭南海線的, 車站沒有自動電梯, 拎住2個大行李箱行真辛苦, 今次搭jr 關西空速, 雖然貴一點點, 但勝在有自動電梯, 唔駛拎到死死下, 價錢都係差around 300日元, 不過留意要預等車時間, 最好預個半鐘 (車程大約70分鐘)

國內線check in 好快的, 幾乎唔駛點check, 半小時內到check in 就ok

國內線的check in 比較簡單, 好多人直頭唔駛寄倉, 直接拿手提行李上機

行完各種小店, 又係時候乘車去衹園, 不過, 無想像中咁正, 只不過是一條商業街, 有各種店舖, 但好多產品在清水寺己見過, 無興趣再買了, 經過一間喬麥面店好似好正, 就入去試下, 都唔錯, 但總是沒有第一天在阪急超巿試的咁好食 (都有可能因為當日太餓....但好想食返...)

炸蝦喬麥麵

食完, 又睇下衹園的小店, 跟住去試下間壹錢洋食店, 唔, 無想像咁正, 仲有點咸添

壹錢洋食店內

每去一個景點, 行經手信店, 第一個感覺都是 --- hello kitty 真係無處不在!!!

來到日本己第五天, hello kitty 在每個車站, 景點都會見得到, 每款都是地區限定, 還有不同款式, 不同的product, 包括電話繩, 原子筆, 手巾, 和菓子, 錢包.....反正幾乎講出得既都有, 有時覺得, 未必係d人特別鐘意hello kitty 而買, 而是, 因為你去一個地方, 總要買點東西記念一下, 而hello kitty 最多款式, 又靚, 結果, 就買了回家

本來是我鐘意winnie the pool 多d 的, 但, 只在大阪站見到過, 京都, 神戶, 姬路都只有hello kitty.....無奈下也買了好多hello kitty product

行過那個黑黑的小地方, 付300日元進入清水寺的主要建築, 其實主要是影下相, 因為景色好靚, 裡面還有戀愛神社, 地藏王等等小寺, 要行下, 並影下相, 大約要行1.5hr

竟然還有一棵紅葉....

這個燈, 是用金做的嗎, 為什麼會生繡呢

今日己是在日本的第五天了, 今天的天氣不錯, 有一點陽光, 但又不似昨天在姬路城般曬, 剛剛好, 不過, 有風的時候仍是很凍的

今天的行程是去京都

先去jr 大阪站乘jr 新快速到京都jr 站, 出了出站, 便去買京都1day bus pass, 500日元, 只要乘3程或以上便回本架啦

跟住乘100號巴士去清水寺

在巴士上, 遇到2位紐西蘭遊客, 佢地己不是第1次去日本架啦, 之前仲去過北海道雪祭, 好勁呀, 傾傾下, 好快就落車