Jasper & Jayden 的閱讀樂

接新娘可說是整個婚禮的高潮之一，新郎在戥穿石陪同下，攜著花球迎接新娘。

當抵達女家後，第一關便是「入門」。若要順利接得美人歸，可能要經過一連串智力及體能測試及最重要的「開門利是」，最後便是新郎以花球迎娶新娘。

入門後須留意的地方包括：

姊妹接過開門利是後，要從中取出百份之十至五十，封回利是給男家兄弟，並上寫「姊妹茶點金」，另姊妹應以茶點招待兄弟。

生活易的新婚網站真係好好用, 除了各主題都有好多討論文章外, 還有其他實用性文章, 就像呢篇一樣

新人拜堂有不少傳統儀式，敬茶是其中之一，代表了新人感謝父母的養育之恩，因此絕不能馬虎。在敬茶之前，新人出門前更要用「龍鳳子孫碗」(又叫富貴碗)來吃甜羹糖水，寓意對婚後生活的甜蜜盼望。

吃過糖水，就要拜祖先，之後再敬茶。在敬用的茶上，通常會放上紅棗和蓮子，表示好意頭﹑年生貴子的意思。一對新人敬茶時，要用雙手呈上，按輩份敬茶，先敬最年長的長輩，如家翁﹑家姑，如此類推。每位受敬茶者都會送紅包或首飾給新人，以表示對他們的接納﹑認同及祝福。

至於敬茶亦有一些禁忌，作為新人是需要留意的。茶杯切忌沒有「耳仔」，因為茶太熱會熨手，手拿不穩打翻在地上的話，就非常失儀及不好意頭。另外避免用減肥茶的茶葉，因為傳統婚禮講求意頭，最好家肥屋潤，肥是福氣，減肥就等同減福，所以最好用鐵觀音﹑普洱﹑香片較穩妥。

至於敬茶必備的材料，包括紅棗，代表鴻運當頭；要開枝散葉，早生貴子的話，千萬不要把其中核挑去，因為核即種子，代表子孫。另外蓮子不要切開，必須是完整的，因為切開兩半就有分開的意思，這都是不吉利的；更不要把它「去衣」，因為蓮子「去衣」後是白色的，跟結婚「紅事」剛好相對，因此用連衣的蓮子沖茶是最好的。而份量方面，正所謂好事成雙，每樣一對就夠了。

買左樓就開始研究結婚的問題
本來我地既共識係09 年尾結,
有2年時間可以有充足既時間準備
點知oscar 父母係臨擇日子先話不如早幾個月
本來諗住, 早幾個月都算啦, 由得佢地去擇
點鬼知就揀左08年尾
其實一年時間要去準備, 真係唔係好夠
不過都算啦, 去搵酒樓, 個日係星期六,
根本間間睇得上眼既酒樓都full 晒
同佢地講不如改09, 佢地又話無所謂

呢排不停搵酒樓

09年大把有得揀, 又唔比人揀

08年間間都full, 睇完都無用

今日睇完彩福, 無可奈何

叫酒樓比我地抄低08年尾有邊日得.....

星期四catherine結婚做伴娘

超級忙呀

一早六點就起身, 換好衫就出門口

未行到青衣城, 對新鞋己有少少夾腳, 好後悔唔先著波鞋, 去到先換

到銅羅灣, 跟josephine約好一齊上去

呢幾日都去左唔同既酒樓睇場, 睇過之後既感覺.....就係.....影相是不能作準的!!!

第1間, 太子始創彩福, 因為朋友係呢到擺, 呢到樓底比較高, 全西式佈置, 牆身全部係淺金色白紗, backdrop 都係白色, 配英文名的牌, 2盞大水晶燈, 呢間都係心水選擇之一, 14萬可包場, 現在book 可以用08年既價錢, 不過揀靚少少既menu, 連任飲, 加100換原隻鮑魚, 一圍都要成6000蚊, 咁就23圍包場, 如果揀平dd個menu, 要27圍先可以包場, 但, 我地人數未必有咁多, 都好煩 (另, 彩福4樓係比較中式既佈置, 紅紅的, 都ok靚, 但個人鐘意西式多d)

第2間係太子始創煌府, 睇個日有婚宴, 不過樓底明顯比彩福底好多, 而且佢個場比較大, 可以擺50圍, 若得20圍左右就要間開, 感覺上無咁好

以下是找尋酒席時, 別人的COMMENT~~~

星光行北京 -- 感覺好grant, 樓底矮了點

尖沙咀翠亨村  -- 最多28, 有條樓梯行落黎好有feel(進場)而個場又無柱位, 聯絡人係Edwina,第一次落訂$5000,緊住再落$15000,尾數到時比埋!!
星期一至四無最低消費,但星期五就要$90000,星期六日好似要十萬! (04年資料)
佢依家d菜話由$5388~$8888去到09年都岩用 (07年最新資料)

尖沙咀中港城皇上皇
到個場都好靚, 好有氣派, 比想像中好, 新娘房有疏粧檯, 成個場都好整齊,每檯都有一個氣球, 門口佈置唔錯, 我都幾鐘意佢一個禮堂有齊中,西式佈置

旺角道間煌府是今年9月新開的

30呎樓底, 又靚, 都好有興趣, 不過唔知佢幾多圍先可以包場呢

這間做花球的may bouquet 既花球好靚, 連手戴那些都好靚

http://www.flickr.com/photos/mays_bouquet/

係咪好靚呢,

看到新假期介紹訂做鞋, 唔知好唔好著呢

LIME

尖沙咀東部麼地道67號半島中心地下G25, TEL 2368 2223

EDWINA

金鐘夏懿道18號海富中心第一座1/F 36舖

婚宴場地的問題

搵一個又靚, 價錢又ok 既婚宴場地真係十分困難
本來睇過都好鐘意太子間彩福個場, 包場要14萬, 
5千幾接近6000一圍的話, 要約23圍,
如果揀平d個餐, 要約27圍先夠數
但.....
當我們這2天在計算有多少人會出席後, 無奈地發覺可能根本擺不到這麼多
我家那邊的親戚, 計計埋埋只有3圍, 即使計上他們的朋友, 也只有5圍,
oscar 那邊比較好一點, 親戚應該都有5圍, 朋友方面, 應該也不會太多, 預2圍先, 即7圍

昨天陪catherine去彩福傾埋29日晚的細節

順便睇下場, 說實在, 我真係幾鐘意的

樓底夠高, 西式場, 夠14萬就可以包晒成個場

不過, 現在都未知道究竟何時結婚

勁煩~~

話說月頭係會展既婚妙展join 了非常台北的台灣婚妙相plan, 暫定08年6月頭去影, 預計去4日3夜, 希望到時影得靚靚啦

跟我們聯絡的nicole 很nice, 很好人, 希望影完我的評價都是一樣啦

但.....若影得太靚, 到時要加好多相, 咁咪破產???

好矛盾呀, 但, 都係影得靚最重要, 一生人得一次嘛!!

雖然之前擇了08年的日子

不過一來心儀的酒樓都full了

二來, 都希望可以有多一點時間來預備人生中的大事

故, 昨天出了旺角再擇另一日

今天叫擇日師傅選09年, 有年多2年的時間