Jasper & Jayden 的閱讀樂

星期一晚, 收到消息說呢個星期便會完工

於是昨晚又去新屋望下 (搞到昨晚成12點先回家....今日勁眼訓, 仲要上大陸添)

講返間屋, 櫃桶己做好, 欠面版, 好多部份都搞得七七八八

床尾, 貼好晒木紋的東東

很久沒有報導過新屋的裝修進度

由1月中開始, 因裝修師傅沒有時間, 一直停工至2月尾, 上星期六去新屋睇下, 終於有d 野睇, 而3月尾入伙呢個計劃, 應該真的可以完成, 真好

首先, 睇下上星期六既相

新年前換的鐵柵, 簡簡單單的款式

中間的部份是六角星圖案, 但最唔鐘意鎖匙位凸出來, 仲要係copper 色, 為什麼不加個蓋呢

冬天的日本, 經常下雪, 雪地不難行, 返而溶成水而結成冰的路更難行

買跌倒, 最好買對雪靴

日本好多地方都有平價雪靴, 當然, 不要諗住去百貨公司找, 最好是街邊那些, 如札幌的狸小路等

一對雪靴有咩特點呢

呢對就係我買既雪靴, 內面全是毛毛, 好暖的, 雖然樣子笨笨的

礇控重投亞洲懷抱

礇豐控股在美國慘遇滑鐵盧，業務受損，股價被拖累，還被股東炮轟政策失誤。不過，集團靈活走位，去年起調整策略，把發展重點重新轉至亞洲區已漸見成效，令集團仍能保持盈利及派息增長。礇控在人事布局上，亦把更多熟悉亞太區運作的高層晉升入董事局，以助運籌帷幄。

礇控之前已委任亞太區主席鄭海泉加入董事局，令這位廣為港人認識的「鄭大班」晉身權力核心。昨日在宣布業績時，亦一併公布委任亞太區行政總裁霍嘉治，以及曾在香港工作超過十年的環球銀行及資本市場行政總裁歐智華加入董事局，令礇控董事局執行董事由去年的三人增至六人，當中熟悉亞太業務的已達一半，用心明顯不過。

礇控今次能保持盈利及派息增長，最主要是業務夠分散，亞太區強勁盈利打救了集團，現在美國業務暫難予厚望，對亞洲這隻會下金蛋的鵝，又豈能不呵護備至呢！

礇控賺1492億 增21%

礇豐控股公布○七年度業績，縱然續受美國次按問題困擾，令撥備急增，至超過一千三百億港元，惟新興市場表現強勁，抵銷撥備的影響，去年純利創新高，上升兩成一，至一百九十一億三千三百萬美元    ，或一千四百九十二億六百萬港元，符合市場預期的上限，全年派息升一成一，並無令投資者失望，集團重申漸進派息政策不變。不過，管理層對美國經濟及信貸市場前景未感樂觀，預期市況還要進一步惡化，未來仍可能要再增撥備，美國業務最快要明年底才見起色。

　　財經組記者：陳淑敏

　　礇控全年派息共零點九美元，或七點○二港元，增長一成一，每手計全年收息二千八百零八港元，符合過去十五年，每年派息均增長一成以上的趨勢。當中第四次股息零點三九美元，或三點○四港元，增長百分之八點三。股息率百分之五點八八。市場擔心礇控會否改變一直以來的漸進派息政策，葛霖重申政策無變，並無因預期今年業績可能放緩而增派股息，以提升股份吸引力。○八年度第一次股息將為零點一八美元。

　　末期息每股派3.04元

國泰經常有唔同既特價機票, 現在有990 飛台灣, 曼谷, 宿霧, 1590 飛福岡, 吉隆坡, 名古屋, 首爾, 1990 飛峇里, 東京, 大阪

請看以下link

http://www.cathaypacific.com/cpa/zh_HK/offerspromotions/offerssummary

這是我總結多天行程得出的結論, 至於原因, 就是最最最主要的地圖

去一個新地方, 完全陌生的環境, 地圖是很重要的, 由落機 / 出車站開始, 就己拿著地圖慢慢研究, 今次去關西加北海道, 我一共拿了4本旅遊書, 有不同的出版社, 但, 都同樣有一個致命的問題, 就是地圖太簡單, 完全不符合實際需要

最普通的例子, 一出jr 站, 一定會見到商場或銀行或酒店的, 當你拿著地圖, 想看看你現在的方位, 便會發覺, 伓根本不知道你本旅遊書上的地圖該怎樣看!!! 原因是, 地圖上, 只有jr 站, 及旅遊書內提到的各景點, 餐廳的數目字, 但其他一律沒有的.... oh~~~ 要知道, 旅遊書提到的景點, 可能只是一間小小的shop 或餐廳, 難道你期望可以靠這個小小的數目字來找到地方嗎??? 即使有酒店名, 或有商場名, 也只是中文, 或英文, 對你找地方, 有什麼幫助??? 我根本不能把中文的酒店名, 和看到的日本酒店名連在一起......即使要找人問問....也要人家看得懂你的中文地圖呀~~~~

另一個致命傷, 是地圖上, 沒有街名的, 又或者, 只有中文的街名....然後... 又是一頭霧水....這個街名, 跟地圖上的中文街名...是一樣嗎????

除此之外, 即使給你找到數目字上的地方, 也不代表你找到要去的地方, 就像我在小樽, 看到旅遊書介紹的食店在高島屋停車場後面, 當我找到了高島屋停車場, 但後面完全找不到這間餐廳, 最後, 無奈地行遠一點, 然後在高島屋停車場前一條街找到了.... 跟地圖, 差很遠呢....而且同類的事件, 還不只一次

去到日本, 當然要食壽司和刺身,

不然, 真的對不起自己, 哈哈

日本好多地方都有壽司和刺身, 但想食又平又正的話, 必定要去各大百貨公司地庫的食品巿場

尤其到了晚上, 開始大特價的時候 (大阪約7點, 但札幌比較早一點, 因上次6點幾去己只剩下一點....), 價錢真的吸引到..... 樣樣都想食, 但又明知食唔晒....哈哈

大特價減幾多, 間間唔同, 見過有減幾百yen, 也有減至半價, 但, 總的來說, 都是十分吸引的, 最抵食的, 必要數大toro 啦, 半價後...... 平到呢...... 唔食多d, 對唔住自己

很喜歡睇茶煲阿四, 剛巧做大結局時身在日本沒有機會看

回到香港, 一直很忙, 直到今天才有時間睇

真的好感人, 好好睇

結局也不錯, 算是大團圓吧

老實說, 整套戲的劇本, 情節都好合情合理, 不似得無線的劇集, 不是完全估到, 便是毫無理由可言, 實在是精彩, 而且, 每集的內容都好充實, 不會硬是為足20集而拖戲

上一個post 介紹了裝修, 今次當然要講美食啦

因為我本身其實唔太鐘意食蟹的, 所以好多款其實我無食....只能聽佢地講有幾好味....

每個set 都有圖, 會知道裡面包d 咩, 放心不怕唔知叫左d 乜...

以下圖便是每一份的圖 (叫了1份便上一個, 2份的上2個, 睇圖便知, 只夠一個人食的) , 上菜次序跟這個post 不同的, 因我也忘了那款上先0,0

哈哈, 這是前菜, 不要問我是什麼, 這個小小的, 食完都唔知係乜

去北海道, 當然要試下出名既蟹宴啦

搵資料, 主打食蟹既有不少, 旅遊書主要介紹蝦蟹合戰, 蟹將軍 http://www.kani-syougun.com/ 和蟹本家 http://www.kani-honke.co.jp/ 等

今次我們便試了蟹本家在札幌站附近的分店 (薄野 すすきの 附近也有一間, 留意搭jr 特急時, 坐位會有月刊介紹, 仲有9折卷添, 但唔知係咪個個月都有)

札幌站的分店跟jr 站很近, 遠遠便看到大大的招牌, 不怕搵不到路, 樓高7層, 搭電梯前便要把鞋子脫下, 放心, 全是地毯

科學家將改良有機體　吸收二氧化碳吐能源

以完成自身基因組定序、並發現海洋生物基因組變異而揚名國際的科學家范特爾今天表示，他正在創造一種生命形式，這種新生命將吸收暖化現象元兇二氧化碳，並可產生燃料。

　　遺傳學者范特爾今天在加州蒙特瑞的「科技、娛樂與設計」研討會上揭開這項可能改變世界的「第四代能源」面紗。與會者均是當今相關議題的菁英學者。

　　范特爾告訴全場聽眾：「我們有個不太誇張的目標，就是要取代目前整個石化產業，成為主要的能源來源。」台下聽眾包括對抗暖化現象的健將高爾，以及網路搜尋巨擘Google創辦人裴基。

　　「我認為，我們大約在十八個月內就能夠擁有，以二氧化碳為原料的第四代能源。」

官質疑綜援嫗獲貸款買樓

七旬老婦聲稱將每月二千三百元綜援金省吃儉用，多年來儲得四萬多元存款，並在沙士期間向財務公司借貸以十八萬元買樓，每月更可收取二千七百元租金，終被社署揭發詐騙九萬元綜援金；老婦早前承認一項欺詐罪名，昨遭裁判官質疑財務公司借貸的原因，加上辯方未能提供財務公司的資料以及被告的還款狀況，將案件押後處理。

　　節儉老婦將綜援金儲起來買樓，更隱瞞四個銀行戶口，遭社署揭發她詐騙九萬元綜援金，案件昨在東區裁判法院審理。女被告呂佩瑜於庭外表示，沙士期間樓市下跌，從報章看到樓盤廣告，便「趁平」購買涉案位於油麻地的物業，目的只為安享晚年。她更指自己一向厭惡領取綜援，只靠拾荒為生，有社工勸說她申領綜援，她才無奈接受。

　　「買一餐食幾日」

　　辯方律師在庭上指，被告自九七年申領綜援後，每月領取二千三百元，但她極慳儉，「買一餐食幾日」，每月把一半綜援金省下來，多年來儲了一筆錢，以支付購買物業的首期。

網上平買 日法地道美食

超市貨品雖然方便又實惠，但要找地道食材，往往要四處張羅，

　　才可烹調一頓菜。想方便一點？專賣北海道食品的Hokkaido，以及主攻法國不同地區名產的馥谷，兩家公司皆不設門市，只在網上直銷，降低成本之餘，貨品更是百分百土產，上網一Click即可選購心水食材。

　　天然健康食材 Hakkaido

　　在香港，要找日本食品不困難，但若指明要北海道出品，原來選擇極有限。不少人對北海道食品情有獨鍾，皆因食品是高級和優質的保證，既無基因改造亦沒防腐劑，叫人食得放心。基於這個原因，生於北海道札幌市的牧野正義，開拓專賣北海道食品的網上購物店。他親自飛到北海道挑選食品，當中有九成品牌連香港日資百貨也沒有。牧野先生以健康、易煮、即食為入貨標準，例如他極力推介的黑豆，本身含豐富氨基酸，養顏且促進新陳代謝    ，黑豆產品包括有黑豆茶、烏冬、零食。試飲過原粒黑豆茶，味道甘醇，那浸軟了的黑豆可當零食。現時網站供應超過五十款食品種類，若想為朋友製造驚喜，不妨選購一籃子北海道食品送給他，不用親身買禮物，更有專人送貨。

復活節精選　箱根泡私人風呂

復活節假期將至，一般上班族毋須請假也有四天連休，正好計畫短铫遊來輕鬆一下。日本    向來是個不錯選擇，其中以東京    附近的溫泉勝地箱根最方便，加上3月仍是乍暖還寒，正適宜泡泡湯讓身心鬆弛。

箱根區內溫泉旅館無數，若論房間設備及舒適度，位於強羅的季之湯雪月花旅館，必是其中首選。旅館交通極方便，位於箱根登山鐵道強羅站旁邊，步行只需約一分鐘。館內設計古色古色，處處散發傳統日式庭園味道，設有一百五十八間和洋式及洋式客房，而最叫筆者傾心的，便是每間客房均設有私人露天風呂，不但可除時享受泡湯樂趣，還可消除害羞者於人前脫光衣服泡湯的尷尬，對香港人來說其實相當不錯。若想跟友人一邊泡湯、一邊談天說地，旅館內還設有數個各具特色的大風呂，其中篝火露天風呂於晚間如火樹銀花般的景色，便是一絕。其他設施還包括數個可供獨立租用的風呂、和洋式及鐵板燒餐廳、土產賣店等，3月住宿連早、晚兩餐，每人約1,318港元起。

網頁：www.hotespa.net/hotels/setsugetsuka

上星期六去博覽館睇郭富城演唱會, 飛是朋友給的, 480 元的票 (若要錢的, 我一定不會買咁貴的....), 這個場地比紅館大, 但比紅館淺, 故, 即使是山頂位, 也不是太高, 我們的位置後面只有多十多行, 也不知道是多少錢的票 (若是380.... 山頂也380, 找誰買, 若平一點, 480 一跌便到2xx, 也很奇怪....)

算吧, 反正不用錢的...

8點半左右開場, 全晚唱了很多經典過, 像是對你愛不完, 國王的新歌等等, (新歌反而不太清楚.....) 最特別是舞台, 可以360度轉, 轉既方向, 可以是左右轉, 上下轉, 上下左右轉, 好特別, 但當轉至背向你時, 什麼也看不到.... 有一點點差勁 (平日, 若是4面台, 即使唱到那裡, 最少見到人影, 雖然細一點, 但這個, 背著便只看到台的背後, 是什麼都看不到的....只有看電視...)

另外, 最尾自彈自唱頗驚喜, 有板有眼, 都唔錯

最後, 玩水個到真係好好feel....雖然, 前排即使有雨衣, 應該都會濕, 但, 真係幾勁

昨晚在青衣城睇越空行程, 平日去青衣城睇戲唔錯的, 人少少, 即場買飛位置也不錯

講返套戲, 我係日本時, 電視上不停有呢套戲既廣告, 當時己諗住回香港要睇架啦

故事一開始, 就講主角回憶起8年前剛有空間轉移能力既經過, 以及講下佢呢8年來既悠閒生活, 不過講真, 雖然佢可以隨時入銀行拎錢....但手法也太差了吧.. 每次只取一點點, 人家也未必發現呢...

再者, 咁多錢, 放入銀行也好, 買樓買股票也好, 成世洗唔晒, 仲駛乜煩次次去拎呢

講返佢既敵人, 獵手, 狂熱宗教份子其實跟恐怖份子無乜分別, 這種特異功能, 講乜只有神才能做到....... 好像很無謂的, 花咁多氣力, 只為追個幾年前既銀行劫匪, 簡直係浪費資源....

今年呢份財政預算案, 可謂皆大歡喜, 全港絕大部份, 總有一兩項中.....
咁多年來, 最易做既預算案, 都應該係呢份掛
以下是報紙的重點, 睇下邊樣中

稅項寬減 
 
降低薪俸稅標準稅率1%百分點至15%  <--- 呢樣唔中, 我未有咁高人工
一次過退還07至08年度75%薪俸稅及個人入息課稅，上限為25,000元  <-- 雖拎唔晒, 都好過無

提升單身人士及單親免稅額至108,000  <-- 8000 蚊, 都係好過無

在日本日日己打緊

回香港只係整理一下, 加相片, 竟然拖了成個星期....

唉, 無法子, 回香港後, 工作又忙, 晚上又唔得閒, 間屋又零進度....

算吧了....

因為這個遊記佔的章節比較多 (好多日都分part 1, 2 ....) 所以呢, 都係整返個目錄出來, 等人易d睇...

可以睇到我地旅行既過程,

係整理相片既同時, 好像重溫了一次

感覺真係好開心呢

而且, 有些細節本來己忘了, 但, 睇返張相, 就記返起晒

所以呢, 去旅行, 應該影多d 相

第10天是重點的破冰船呢...

相片是由尾加上的....頭1至9天會盡快補回呢

我在日本的第一天

我在日本的第2天

我在日本第三天

因為去18日咁長, 要帶定現金買東西,

故酒店的錢一早己決定會用信用卡付 (總不能帶太多日元過去吧~~~)

昨天晚上上網check 下信用卡的statement,

發覺用信用卡的rate, 原來跟兌日元差不多

我出發前的rate 比較高, 換錢要7.3 ~ 7.4 左右

在日本, 本來都無特別留意畫作, 因oscar 想買些poster 回家掛, 於是便逛逛各大商場, 除了買天空之城及幽靈公主的poster 外, 本來極之想買渡辺宏的畫, 可惜, 當日見到的都是己裱好的畫, 而且睇中的尺寸還頗大, 買了都想不出如何送回香港, 連畫架一點也不貴, 看中的才6000 yen 左右, 可惜就是太大幅.....

於是, 回到香港, 努力搵下佢既繪畫, 佢既繪畫都是帶點小朋友粉彩風格, 很可愛, 喜歡用小動物做主題

上網在樂天和yahoo 都見到有得買, 還有砌圖添, 不過, 好像不能寄到香港呢, 有點可惜...

給大家欣賞一下吧

當你身在日本, 就會發覺一入餐廳,
大部份會立即給你一杯冰水, 是半杯是冰的冰水 (有些比較自助式的餐廳是自己倒的)
初初的時候很不習慣, 咁凍既天氣, 比冰水而唔比暖水
但, 當你每次一入室內就好熱, 空氣又好乾的時候,
有杯冰水真的十分涼快......

到後來, 一入餐廳, 不給冰水才不慣呢

講緊係出入室內和室外的溫差問題
日本的室內溫度真的調得好高,
最勁睇到暖風機的溫度是27度, 但室外是零下 -,-
因為暖風機太勁, 故室內的濕度是嚴重地低, 請做好保濕!!!

我地每天遇到的問題, 不是天氣太凍, 而是室內太熱....
當你去餐廳食飯, 又或是行商場的時候, 即使把羽絨除下, 仍感覺十分熱 (其實我都唔明白d 日本人究竟係怕凍定抵得凍, 佢地室內室外都係一樣咁著, 行商場不用除褸, 不過, 佢地唔係著好厚既褸, 多數係乾濕褸, 絨褸等等, 到室外咁凍既環境, 佢地好似feel 唔到咁的....好利害)
通常我地行到太熱, 頂唔順便出離開商場, 到街上"過冷河", 呢個形容係咪好貼切, 哈哈

當由熱到出汗既室內走到室外, 便會感到好像到了天堂一樣,

去到小樽, 無理由唔試下自制音樂盒既,
其實小樽運河邊條街, 唔只一間可以自制音樂盒,
但音樂盒款式最多, 音樂最多, 底座最多的, 自然是小樽音樂會堂本館啦,
整個本館都是賣音樂盒制品, 尤其1/f, 一整層都是各式各種的音樂盒制品
即使對自制音樂盒無興趣, 看到如此多的音樂盒, 都有想買返個回去的
除了音樂盒外, 還有音樂掛畫, 仲可以自由地選擇歌曲添

2/f 是一些精品, 像是掛鐘, 飾物盒, 掛飾, 玻璃燈等等, 但有部份是中國制的, 買之前最好問一下....
無謂山長水遠去到日本買中國制玻璃品啦.... (如果是其他精品, 在日本買中國制的也沒問題, 像是公仔那些, 若堅持要日本制應該買唔到d 乜野)

不是說笑, 回到香港2天,

感覺是

為什麼香港仲凍過日本架

日本雖然溫度比較低, 但, 一d都唔覺得凍

當你係室外時, 當然會著晒羽絨, 話晒零下喎, 但事實上, 身体是十分暖的, 最多是因為大風, 故要戴耳罩, 和因為雪地而著雪靴, 不過, 每天在室外的時間其實不會太多, 因為你總要搭車, 食野, 有時有些景點, 旅遊點又在室內, 所以, 覺得熱的時間比覺得凍既時間多, 好多時, 因為係商場或餐廳感覺實在太熱, 而需要出室外過"冷河"添

若想買熊出沒注意的product, 其實不用專登去登別的,
因為登別的熊出沒注意product 不算特別多, 也不是特別齊
反而在札幌狸小路內的一間手信店, 以及在新千歲機場內的手信店更齊
但我覺得直係好特別, 好出色的精品不算多
好多產品在香港都見過
我都只是買了2款不同的門檔布, 諗住第日掛在廚房門口

反而有些木雕仲吸引呢, 但一來頗貴, 又頗大件, 又重.....

今天是最後一天了, 因今日完全沒有行程的, 8點半起身, 最後收執好東西, final check 了幾次, 食左個杯麵做早餐 (早幾日係溫泉酒店附近買的....拖了幾天, 實在不想拿回香港, 只好在最後一天食掉....)

handcarry 的行李

一大堆行李..... 2個行李箱, 3個handcarry 袋, anges b 後面還有一個的, 只睇到少少...., 再加上一個anges b 紙袋.... 勁呀

今日己是在日本的最後一個full day, 今日無咩行程的, 主要係relex 一下, 行下街

早上去jr 站內的一間西式餐廳食早餐, d 奄列好味呀, 蛋不會太老, 加上厚多士和多牛油, 正!!!

我的是奄列加煙肉和厚多士, 好味道